Емирот од Катар ќе инвестира половина милијарда евра во Македонија?
За неговиот тим најважна била стратешката положба и одличните услови за производство на храна. Во малата држава на Балканот сака да инвестира над половина милијарда евра.
Како што дознава Сител, главен проект била рафинеријата која ќе треба да го снабдува со нафта целиот Балкан. Уште пред четири години биле утврдени можните локации за изградба.
Паркингот пак во строгиот центар на Скопје според Хамад бин Калифа ал-Тани било идеално место за изградба на хотел со трговски центри и забавен парк. Иако побараната парцела за изградба на рафинеријата била слободна за облакодерот на постоечкиот паркинг пред Холидеј ин немало согласност.
По направените анализи емирот и лично ја посети Македонија да се увери каква храна произведува. Јагнето кое во Катар било увезувано од истокот ни од далеку не било како нашето. Затоа половина од предвидените инвестиции биле планирани токму за земјоделството. Според нашите информации Катарците сакаат да одгледуваат околу 10 илјади јагниња кои ќе се колат според ХАЛАЛ во новоизграден објект.
Водата исто така била интересна за бизнис. Емирот сака да финансира и во домашното образование, посебно во дефицитарните гранки во Катар, по што дипломците ќе може да бараат работа на истокот.
Како и да е според упатени доколку се остварат половина од првично предвидените проекти македонската економија значително ќе закрепне. Економистите уверуваат дека европскиот пазар не треба да се напушта, но секогаш треба да се има соодветна алтренатива.
--
Щом при братята ще налеят половин млрд, тук колко ще хвърлят?
